Thursday, March 1, 2012

RAPTHLAK TAWP 10

Leap Year a nih vang nge lah hriat ni suh, kumin February thla  hian Mizoram-ah thil RAPTHLAK a thleng nasa em em mai a. Chung zinga RAPTHLAK Tawp 10 ka tih te ka han thlang chhuak a. Heng a hnuaia mite hi an ni.

Rapthlak 10-na

Ni 9 2012 khan Chawnpui Veng, Aizawl-ah Pu Lalliantluanga fanu Sarah Lalduhawmi chu an  in luahna neitupa, Kohhran Upa ni bawk chuan kut a thlak na deuh va, a spinal chord a chhe hial!

Rapthlak 9-na

Ni 20 khan Thuampui Veng, Aizawl-ah Kum 42 mi Pu Ralkhuma chu YMA hruaitute kutthlak tuar lovin a boral. YMA hruaitute hi an chhungkaw buaiin an pun avanga va inrawlh nia hriat a ni.

Rapthlak 8-na (tlukpui a nei)

Ni 19 khan Serchhip ah Police tanglai Lalremruata chuan Dr. Rothuama damdawi dawr a rawk.

Rapthlak 8-na

Ni 9 khan Lunglei-ah Police  K. Lalrova chuan Hauruang nula tawngtheilo Saikuti Hall bulah a pawngsual.

Rapthlak 7-na

Ni 10 khan Lengpuiah Pu Zakapa chuan zu ruiin an in luah hawh lai a hal a. Pi Lalngengi in chhawng thum lai bungrua chuh hman lovin a kang fai vek.

Rapthlak 6-na

Ni 11 khan Vanlalhruaia kum 51 chuan Zuangtui veng hmeichhe naupang kum 5 mi a pawngsual.


Rapthlak 5-na

Ni 19 khan East Phaileng-ah Tv.Lalhnema'n a nau Lalbuatsaiha thah tumin khawlaiah chem nen a um chhuak a, a sat a, Lalbuatsaiha chu a lo indang a, a banah a sat a, a ban a sat chhum. Chumi hnuah amah chu inawhhlum leh a tum a, mahse mipuiin an dang hman.


Raphlak 4-na

Ni 1 khan Saiha-ah in 41 lai a kang fai vek a. Chhungkaw 36 laiin in leh lo an chan a. He kangmei hi misual pakhatin tum ren rawna a hal a ni.


Rapthlak 3-na

Ni 23 khan Vangchhe khua-ah Khawliana kum 50 leh Kara kum 43 te chu zurui inhnial thinrimin ramhnuaiah ulhbunin an in-draw a, an thi ve ve.

Rapthlak 2-na

Ni 12 khan Tlungvel-ah Pu Kapmawia chuan a nupui Vanlalthuami kum 24 chu khawlaiah um chhuakin kawtthlerah a hrawkah zaiin a zai hlum. Amah chu mipui thinrimin an chil hlumzui ve bawk.


Rapthlak 1-na

Ni 11 khan Venghlui, Aizawl naupang Lalrempuia kum 7 mi chu Rangvamual-ah Laltanpuia ten hruai thlain zu an tulh rui a. A zu in luat zawh loh vangin a harchhuak zo ta lo va, a thi ta a ni.

6 comments:

  1. Rapthlak lawrkhawm han chhiar takah chuan hmulthi a ding sung sung theiin ka hria. Mizorama thil thleng vek a ni bawk si a, awih a harsa thin ngawt mai. Ropui 10 han thlang chhuak leh la.. :-)

    ReplyDelete
  2. I sawi takah chuan Ropui Tawp 10 chu buatsaih a chakawm khawp mai. Mahse muang mar deuh ni teh se..Thanks

    ReplyDelete
  3. Nia, a lo va rapthlak tak hlawm ve aw. A bengvarthlak bawk e.

    ReplyDelete
  4. Hlonchhing, i lo chhiar a ka lawm e. Ni e, rapthlak tak a sin..kan RAM a ni lawi si.

    ReplyDelete
  5. 6na, 2na, 1na te hi an rapthlak zual hle mai!
    3na erawh hi chu engemaw ni chenah chhuanruk riau nalai ka nei leklek zawmah. Chuan, 9na hi ka hrethiam hlel deuhvin ka hria. YMA te hian kut an thlak lo va, mahse a thi hman ang lawi si a', tih lai vel hi. Beng a ti var hle mai, mahse han lawmna ziazang chu a ni si lo va'.

    ReplyDelete
  6. This comment has been removed by the author.

    ReplyDelete