USA MIZO CHHUNGKUA AWM HMASA BER

 

                             (Pu H.Darrikhuma leh a nupui Pi Ngurkungi)

Pu H.Darrikhuma te chhung chuan nimin OCTOBER 31  2010  Pathianni tlai dar 5 khan Life Celebration hun Silver Spring ,MD ah an hmang. Pu Darrrikhuma leh a chhungte hi USA a Mizo chhungkua chhuk hmasa ber te an ni. Kum 1963 khan USA an lo thleng a, Maryland ah awm hmun bengbel nghal mai lo mahse  Maryland a Mizo awm hmun bengbel hmasa ber an ni ta tho va. State danga lo awm lova khawpui ber Washington DC  hmuna awmhmun an lo beng bel a, Mizo te tan a vanneihthlak hle a; an zara helai hmun kan luah chho ta zel hi thil lawmawm tak a ni.

                         (An fapa te ber Joseph Darrikhuma-white shirt)

Pu Darrikhuma nupui hi Pi Ngurkungi, nurse a ni a, a vanglai chuan nula fel a sawi a ni. A mah Pu Darrikhuma hi tlangval hmel tha leh pian tha, Champhai Hmunhmeltha khaw chhuak a ni a. A vanglaia Royal Indian Air Force a tang thei ngat a ni. Titi mai maiah chuan Armed Force a tan a tum zet a, Lu meh kawlh deuh a ngaih dawn vangin a thulh a, lu meh kawlh ngai lo lam Air Force lamah a lut ta zawk a ni.

  (Pu Darrikhuma nau Upa H.Malsawma leh a nupui Pi Hlimi ten an u te chanchin an sawi)

An nupa hian fapa duhawm tak tak 4 an nei a, a thente chu pastor te an ni nawk mai. Pu Darrikhuma te nupa sul sutna avang hian Mizo ten nasa takin kan hlawkpui a. An mahni avangin mi tam takin USA an lo thlen theih phah a. An zara thleng thla tam tak ten mi dang an chaw lut zel a, Mizo te chu chhum lo chat lovin kan lo pung ta zel a. Heng zawng zawng hi Pu Darrikhuma te chhungkaw thawh rah kan ti  lo thei lo ang. Chawimawi phu an ni a, an phu ang hu in helaia Mizo huap pawl awmte, mimal te pawh hian kan chawimawi tawk lo em ni chu aw a tih theih. Dam lai ngeia inchawimawi tha kan ti a nih ngai chuan nimin kha inchawimawi hun chu niin a lang.

             An fapa Pastor Danile Darrikhuma leh a nupui leh a fanu

An tu leh faten program fel takin an buatsaih a. Vui leh vai awm thei hauh lovin Mizo tu pawh an sawm a, mite pawhin an hlutsak hle a ni.Program zawh hnu ah ruai ropui tak kan kil a, kan puar tlang hle mai.

Hemi ni hian USA Mizo zaithiam chhuanvawr tak tak te an zai a, an chanchin ngaihhnawm tak tak te ngaihthlak a ni bawk. A kal hote  beng leh ka a tlai haw hle a ni.