Posts
Engnge sawi i tum?
Ka sawi tum ber chu Mizo hnam lam ho ( cheraw, khuallam, sarlam kai, chai etc) hi a huhova lam chi vek niin a lang a, mahni emaw a kawppui nen emawa lam theih chi LAM ( dance) hmuhnawm tak neih ve a chakawm ka ti.
Engnge a tangkaina tur?
Mizo te hi mi hnam ang thovin khawvel ram hrang hrangah kan tla darh tawh a.Mizoram aiawha vak chhuak khawvel ram tinah kan kat ta nawk reng mai bawk. Heng ho te hi zai thiam vek an nih bik loh avang te, lam lam hi a hmuhnawm hrim hrim avang te hian mahni emaw khingpui nen chauh emawa lam chi nei ila chuan a tangkai ngawt ang. Ram danga sikul kal fa nei te phei chuan fate han show ve tur eng emaw LAM hi an duh thei hle a, cheraw te, khual lam te mahni chauh va tih chi a ni lova, mahni tih theih hmel ber 'chheih lam' lah hi lo zai tur mi eng emaw zat a mamawh bawk si.
Cultural dance siam chawp chu a va ho awm ve?
Ni e, a ho zawnga ngaihtuah chuan a dik thei viau ang. Mahse bul tan thei awm ila chuan hun lo kal zel turah kan hlut ngawt thei ang. Vai ho te sapho ho te hi chuan mahni a lam hmuhnawm tak show tur an nei thei zel a, a awhawm ve a awm maw le.Chu lo rengah dik tak chuan kan cheraw te, kan khual lam te hi her rem leh siam that, belh leh paih a ni nasa tawh em em a, kan pawm tlang viau zel lo thei lo chu a nih hi!
Engtia bul tan chi nge ni ang?
A..hla phuah ang tho hi a ni mai a. Phuahtu han awm phawt se a tih lar theih mai ang. A lar hnu chuan kan pawm tlang mai ta ve ang. Tin, tv -a Reality show item atan tha tak a ni bawk ka ring a.Mimal emaw a kawp emaw a lam inphuah chhuah siak tih ni ta se, hnam zia rang lang thei ni bawk ngei se; en pawh a hlawh viau mai thei a sin!
A hmuhnawm ngut dawn em ni le?
Nghal ngawt a, chu chu alawm Upa in "buan a hmaa kherh" an tih chu. Tak tak a, ni e, kan MIZO lam ho hi a ti delh delh a, hmuhnawm lam aiin ninawm lam a pawl awl khawp a. Hla phuah zawng zawng a lar mai lo ang leh, hla lar zawng zawng a tha kher lo ang hian LAM kan phuah dawn a nih pawhin hmuhnawm thlan thiam chu a pawimawh ngawt ang..ka dem hauh lo che. Mahse han ti chhin phawt ni se..Entawn tur a tam tawh a, hmuhnawm tak chu kan Mizo thalaite hian an phuah chhuak thei khawp ang. I lo ngaichang ran ang u hmiang...
I ti dik khawp mai. Chheihlam, Sarlam , Cheraw tih vel hi chu cultural event a show chi deuh chauh an ni. Tunlai kan khawsak dana inhmuhkhawm ni khua, Party chi hrang hrangah te pawh lo nise, han lam ho na atan tak tak chuan heng kan hnam lam te ho hi chu a inrem teh chiam lo hlawm. Ballroom dance Mizo version kan mamawh ani. Ballroom Dance chi hrang hrang, Waltz, Salsa, Merengue, Cha Cha Cha, Mambo tih vel ang hote entawn hian, kan duh dan angin , Ballroom dance Mizo version siam ve ila a tha khawp ang.
ReplyDeletePu Chungte thanks for the comment.Ka buaina ber chu hnam dang hi chu an cultural dance thiam tak hi chuan hnam dang lam an thiam/zei thei mai a, ka tawng tu huatthu suh ah, keini hi chu kan cultural dance thiam te hian hnam dang western lam te hi an zei nghal mai tlat lo..mak tlat...
ReplyDelete