Pathian biak Inkhawm leh Thlan Thut Inkhawm

Nov. 27 2011 Pathianni chu West Virginia khaw pakhat, Moorfield -ah kan hmang a. Kan in atangin darkar 2.45 min tlan vel a ni. Lawngtlaia awm Pu Lalmuanzova chu nat lawkna pawh nei mumal lovin,  PUM NA avangin Nov 23 2011 khan a boral a. A nupui leh a fate 2 a kalsan.  A naute pahnih Moorfield-ah hian tlangval fel tak tak 2, Tv Maenga leh Tv. Malala te an awm a. An ni hian he memorial service hi an buatsaih a ni. Biak In khat tlatin kan thu khawm a. Mi tinin Lusun chhungte an lainat hle. Inkhawm hi 2.00pm ah kan tan a, 4.30 pm ah kan zo.

Moorfield West Virginia panna lam tluang

Kawng a thuiin a thawl hle

Kawng a tha si motor a tlem si a uiawm zawk...Ka fanu Dini..

Khua tha tak zet a, nuam tak a ni..

An khua chu ruamah hian a awm a, a te viau mai. He khaw te tak te ah hian Mizo 50 chuang an awm a. A tlangnelthlak hle.

Kan inkhawmna tur Presbyterian Biak In chu a te fel et awt hle.

Nl.Thangtei Thailand a missionary hna thawk mek; Lawngtlai nula fel a lo tel ve.  Vanduai thlak takin Thangtei pa hi Nov 21 2011 khan a boral a. A pa ruang hi a hmu hman bik lo. A ni pawh lainatawm tak a ni.

Keiin inkhawm ka kaihruai a.

Rev. Lalthanzaua'n thuchah a sawi a

Tv. Hruaitea'n violin thiam takin a tum 

Pu Zirkunga'n Khawhar chhungte aiawhin thu a sawi.

Pu Biaktean lawmthu a sawi a.

Inkhawm banah ruai kan theh ta

Kan puar tlang hle..

An Biak in kawt atang kawtthler lan dan