GOOGLE TV THAR

December 5 2011 (thawhtanni) tlai ka hnathawk haw chu ka chau ang reng hle mai a. In chhung kan luh chuan ka fapa Zela chuan kan living room a Tv thar chu min lo kawh hmuh a. Chhuang deuh maiin, "Hei a lo thleng a, ka set up vek tawh," a lo ti a.Kan hmu thut chu mawi ka ti hle mai a, a milem te lah chu an fiah lai leng khawp a. Pu Robuanga (f) TV fiah sawi ang deuhvin, nia,  keini pawhin kan TV milemte chu  thingpui lum kep mai kan tum deuh thaw hial!

Tun lai TV changkang Sony Google TV inchis 40;  nula nalh an sawi ang mai a, pan thlarh, mam han mai; zang haih leh fiah kal mai si hi a ni a. Tun hma chuan TV en hi a awlai a, en duh zawngin hmu turin channel thlak kual a ni mai a. Mahse tunah chuan channel a tam tawh a, en chakawm a lo tam nen; hun neih a lo harsa ta sawt bawk nen. Chuvang chuan mi tam tak chuan internet atangin an en duh zawng an zawng ta fo va, mahse computer hmai te a lo te thama en a nuam tawk lo va. Computer hi a smart a, TV hi a en a lo nuam bawk si, tichuan chung en nuam leh smart chu belhbawm mai an lo duh ta a, tichuan Google Company in internet TV chu an  lo siam chhuak ta a ni. Chu  chu a ni ka fate ngiat chu!

TV chuan apps tam tak a nei a.

He TV atang hian duh zawng zawng duh hun hunah a en theih ta a. Kan en duh zawng kha a remote control atangin kan type chhuak a, a search ta char char mai a. En duh zawng chhuak turin hun tam sen a ngai ta hauh lo mai.

Remote control pawn a dangdai khawp mai.

Tuipui hnuai lam pawh  a fiah tha hle.

British Soccer pawh en a nuam fu.

Anderson Cooper pawh en a nuam khawp mai!

Movie en tur tam tak a awm bawk.

Dini pawhin nuam ti takin a en duh zawng a hmet kual zaih zaih thei.

Ka Facebook pawh a fiah e.

Pa Mawia Facebook pawh a fiah khawp mai.

Pu Madina, Pu Muantea, Pu Zomawia, Pu Tea,  Dr Ringluaia te pawh fiah tak an ni.