TLUANGA PUAL

Mi azawnga pawi sawi lo ber mai Tv. Tluanga chu  July 2 2012 khan a hna thawk haw, a maha zana a kal lai chu midum pahnihin an zui a. A chenna in bul mai, Washington North West DC, an in hnaih te a, an sawisa nek mai a, a khabe te an hnek tliak a, apawiin a khawngaihthlak em em a ni.


Tv. Tluanga hi pa awm nem te, Mizo faah pawh a derdep pawl, mi pawisawi lo hliah hliah hi a ni a. Dik tak chuan 'mi pawi insawilohsiak' pawh awm se lawmman dawng pha ngei ngei tur ang chi hi a ni. Mahse misual a tawng miau a, a neih ang ang an chhuhsak a, an sawisa nek bawk. Thi anga ngaiin an kalsan pawh a ni mai thei. Eng emaw ti tiin an in a vak thleng a, dawmdawiinah a awm nghal char char a. A chanchin hria leh a ma mizia hria tawh phawt chuan kan lainat a ni ber mai.


Kei pawhin ka khawngaih em em a, Washington Hospital a a awm laiin kan kan a. Kan nupa bakah, Rev.Vanlal Bela awm lai a ni hlauh va, anin tawngtaina hun a hmang nghe nghe a. 


He vanduaina rapthlak tak, pawi em em vang hian hla kan ziak ve ta hial a nih hi.


Vangkhua a lum
A vang ro sum,
Misual an rum,
Mizo kan tuar.

A na kan pum,( taksa pum tihna)
Mitha kan zum.
Tanrual kan tum.
Mizo kan pung.