MIZO MI ROPUI - H.B. Lalkhawliana

Pastor Lalkhawliana, Presbyterian Mizo Church USA ah thu sawi tura sawm a ni.

                                                            Kan nupain thla kan lakpui.

                                Kimi, Pu Khawliana, Rev. Muana, Sawna, Dini teho

Kum 1925 April 5  daih tawh khan Senvawn khuaah Mizo naupang pakhat a lo piang a, a hming chu Lalkhawliana a ni. A lo len zel hnu chuan Lalkhawliana te an lo tam a; insawi hran nan a hming bulah HB a dah ta a. Tichuan H.B. Lalkhawliana a lo ni ta a ni. He naupang hi a lo puitlin chuan Zoram khawvela record siamtu pakhat a lo ni ta der mai.

                               'Apu tak tak' lo zin ang maiin kan fate pawhin an ngai a ni.

Kum 5 mi lek a nih laiin Sialsuk-ah an pem a, kum 8 mi lek a nih laiin Saitual khua, kristian khuaah an pem leh a. An pem kawi nasa hle.  Saitual a awm lai hian thil tam tak a zir a, Pathian thu te, rinna awmzia te leh chatuan nun awmzia te a zir tan ta a.Kum 1936 ah Saitual chhuahsanin Durtlangah an pem leh a, heta tang hian Mission Veng Boys Middle School ah sikul a kal thin. Durtlanga h chuan kum khat chauh an awm tihin kum 1937 khan Aizawlaah nge nge an pem lut leh ta a, hetah hian vawiin ni thlengin a la awm a ni.


Lalkhawliana hi sakhaw  lam mi tui leh duh uluk tak a ni a. Kum 1958 khan Seventh Day Pastor atan nemngheh a ni a, Mizo zinga seventh day pastor hmasa ber chang ni lovin, India ram hmarchhak pumpuiah Seventh day pastor nemngheh hmasak ber a ni ta a ni. Kum 1991 khan a nupui duh tak Pi Lalhlimi a sun a, a tuar hle. Nupui dang Laldawngliani nei leh in tunah hian tu leh fa malsawmna tam tak neiin; tu leh fa 17 lai a nei nghe nghe a ni.



Pastor Lalkhawlian hian Krista tuarna leh a inngaihtlawmna a tui puiin a vei em em a,he zirtirna theh darh hian ram a fang zau hle. A lo upat viau tawh hnu khan USA a zin tura sawmna a dawng ve chauh a. Mi hmasa, mi thiam leh mi chung chuang ni mahse mi inngiatlawm leh biru a nih avangin khawi lo ah pawh an Kohhran aiawh pawhin a chhuak hla tam ve lova, USA ram ropuiah pawh a pension hnu kum 30 a kla thei tawk a mi. Mahni hma a sial lova, mi dang a kian thiam hle thin a, a tan a pamham ve ngai lo tih a chiang hle.

Pastor Lalkhawliana hian Tv Biakliana(L) a ngaisang hle a, Brig.T.Sailo a ngaisang em em bawk.Hnam hmangaihna a nei lian hle a, mi thiam, lehkha thiam chhuanawm falte a ngaisang thiam em em.Amah pawh mi thiam, thil chik mi a ni a, lehkhabu pawh panga lai a ziak tawh a ni.

                         Pastor Lalkhawliana leh a thian chhar thar Rev.Lalthlamuana

"America chu engtin nge i hmuh?" tih zawhna chu ti hian a chhang a,"American ho chuan remchang hi an lo hre bik khawp mai, an fing a, an fair bawk a ni. Tui, gas leh electric ah te milian leh mi te an inangtlang vek mai hi ropui ka ti em em a ni," tiin.

"I Seventh Day puite eng tin nge i hmuh" tih zawhna pawh huaisen takin ti hian a chhang,"Keini ho hi kan chapova, kan induh a,mi dang te hi kan ngai nep a, hetiang tur a ni lo, Isua inngaihtlawmna ang kha hre rengin kan entawn zawk tur a ni," tiin.

Oct 23 2011 khan USA a vawi khat kalna hun chu a lo tawp a, Zoram lam a pan leh ta a. A mah ngahkhlel taka lo thlirtu a chhungte nen hlim taka an inhmuhkhawm kan duhsak a, helam min theinghilh bik lo se, helam pawhin kan ngai a, a lo kal leh kan nghakhlel leh em em reng tawh bawk a ni.