KA PA LEH KA PUZAWN THLANTHUT INKHAWM

May 6 2012 (Sunday) tlai dar 4 ah khan ka pa Upa K.Tlanghmingthanga, Mission Veng leh ka puzawn Pu R. Chhingliana, Upper Republic Veng, Aizawl te thlan thutna kan nei a.  A hmun atan Pastor Biakdika Chhangte in an Biak In, Rockville Seventh-Day Church, 727 West Montgomery Avenue, Rockville, Md. min hmantir a, a chungah kan lawm hle. He Biak In hi Washington DC area Mizo awm te tan a laili tha a, a hmun a nuam a, a len dan a tawk a, a remchang em em a ni.

USA Mizo te hian tihdan phung kan neih chu kan thisen zawmpui ram danga an thiha, chhungten kan dawm hlum hman lo a nih chuan inthlahrung hauh lova thlan thutna neih a thiang a. Hetih hunah hian Mizo te kan inpui tawn liam liam kan tang rual a, kan inlainat a, awmze nei tak, ngaihthat thlak deuhvin thlan thutna kan nei thei thin.

Kan thlan thutna tiphuisui thatu pakhat chu Upa Lalbiakmawia, Comissioner of Excise, Mizoram te pafa an lo tel thei hlauh chu a ni a.  Pu Bma hian ka pa leh ka pu chu an damloh lai leh an dam loh hma pawhin a kan a, a tlawh a, thilpek a pe a, duat takin a lo enkawl thin a. Chuti khawpa ka pa leh ka puzawn duattu he an Memorial a lo tel thei hlauh hi kan vannei em em a ni.

Kan memorial ah hian mi an lo kal tha em em a, kan lawm tak zet zet. Memorial zawhah ruai kan theh a. Hemi tan hian min lainattu thahnem tawk takin ei tur tuihnai tak tak min rawn siamsak a. Kan lawm em em, lawmthu kan sawi thiam seng lo a ni ber mai. Mizo Kristian nih hi a nuam chang a ni lova, a lo ropui tel em a lo nih hi!

Rev. Lalthanzaua'n inkhawwm a kaihruai a.

Ngawi renga dingin kan pate sunna hun kan hmang a.

Rev. Lalthanzaua tawngtaina a ropui em em.

Upa Lalbiakmawia'n ka pa leh ka pu chanchin ngaihnawm takin, fiah takin a sawi a. A ngaihnawm hle mai

Pu Bma te pafa an lo tel thei hlauh hi kan lawm em em a ni.

Kan nun A pa chanchin leh ka pa chanchin a sawi.

Pu Lalthangliana Sailo, Sailsuk lal ka pa thianpa ( a hnai bera thu hi)

Rilru chhungril atanga chhuak thu sawi hi chu a ngaihnawm mai thin.

Kan lusunna atanga Pathian Malsawmna kan dawn dan te a sawi bawk a.

Mipui pawh an thahnem khawp mai.

Lusun chuan thu sawi thiam a har thin..

Mak deuh maiin fel takin fiah takin thu a sawi tluan thak mai.

Thutna awl a vang khawp mai.

Mite min tawiawmna a ropui em em.

Hun dik taka tanin, darkar 2 chhungin hun kan hmang kim hman

Sanctuary kan khat that a ni e.

Tv. Vanlalhruaia'n kan sunte pualin Violin solo a thawh a.

Mizo ho chu kan kim khat a ni ber.

Kan fate pawhin an pute an hmu leh tawh lo tur chu ngaihthiam harsa an ti khawp mai.

Pennsylvania state atangin Rev. J. H.Vanlalhruaia te chhung an lo kal vang vang a.

Thlamuanna thuchah ropui tak, " Grep hrui leh a peng te" thu a sawi a.

Mipui pawhin ngaihnawm an ti em em.

Thutna pawh a tawt tha khawp mai.

Thalai lam pawh an lo kal tha hle.

Ka pa thianpa Pu Darrikhuma pawh chak lo chung chungin a thu tluan chhuak, kan lawm em em.

Rebecca, Dini, Kimi, Sawna leh Zela

"Hun kan hmang thiam tlang a, a ninawm loh" tih kan dawng.

Pu Bma fapa Tv. Mapuia'n kan zai piano in a rem a, a thiamin zai a tinuam hle.

Mipui zaia min hruaitute tlar hmaah an thu.

Ka pa thianpa Pu Darrikhuma pawh chak lo chung chungin wheelchair in a lo kal ve hram hram a.  Hengte hi ka pa hrilh kan chak a, mahse a hrilh tur a awm tawh si lo!

Sermon in mipui a hneh hle.

Pathian chungah leh kan chunga tha te chungah lawmthu ka sawi a.

Ka puzawn chanchin ngaihnawm tak te ka sawi bawk a.

Ka pa chanchin kilkhawr deuh ho ka sawi bawk a, a hlimawm lam te n'en.

Inkhawm bana ruai min kilpui theuh turin ka sawm bawk a.

Pi Lalnguri ka pa cousin pawh a lo kal a kan lawm em em.

Ban hma chiahin Pathian chawimawi nan "Vanram ngaihtuah hian min tilawm a," tih hla kan sa a.

Zai pawh a nuam hle.

Ka pa kha solfa zai nuam timi a ni a, tel ve se nuam a ti ve khawp ang.

Pu Darrikhuma leh a nupui Pi Nguri te thla kan lakpui.

Pu Darrikhuma damlo mek na tak a lo kal thei hi kan lawm em em.

Rev.Vanlalhruaia leh kan chhungkua.

Kan chhungkua (Dini, Zela, kei, Maruati, Kimi, Sawna)

Dinning Hall set up ham..

Ruai kan theh ta.

Ei tur a tuihnaiin a tam tham hle.

Thalai dawhkan lam.

Upa H.Malsawma te nupa leh Pu Vanrova te nupa. Kham chiah hi Pu Rova Ralte.

Chaw dawh tur pawh an tlar thui hle.

Maruati'n mite a be kual.

Nupa tuak thar mai tur kan kan naute...

"Puar takin ei theuh tur," a ti.

Choka lamah Pi Zaii, Pi Tluangmami leh Monu Mami te an lo buai char char.

Nl.Kimtei kan tan a tangkai thei em em reng bawk.

Memorial service hian darkar hnih vel chiah a awh a. Hun hmangtuten thiam tak theuhvin hun an hmang a, chuang bang leh tul lo sawi a awm lo. Lo kal tam tak pawhin kan program tawi leh fel fai an ti a. Ei tur a tuhnaiin a tam tham an ti a. Heti taka min khawngaihtute lainatna kan dawng hi kan lawm a, kan sawi thiam lo zawk.

Memorial zawh hian memorial a lo kal ve hman lo leh lo kal ve tho min lainatu tam tak ten kan in lamah min zui haw a. Rei tak thlengin min menpui a, min kawm hlim a, kan lawm hle.

Thil pek te, ralna te thahnem tak kan dawng a, kan lawmthu te, a ropui zia te sawi kan chak a, kan hrilh chak te lahin mual min liamsan tawh si!