ZORAM TAN (Mizo tawng chung changah)

                                                Kan Zo tlang ram nuam 

Eng nge sawi i tum ber?

Mizo tawng a thlukna chung chang hi kan sawi ve duh a ni.

Han sawi chhin teh.

Thlukna hi chiang nial mang lo hian kan nei a, a chunga thai kual hi a lar ber chu a ni. Hemi kan thluk dan pawh hi a inang lova, kan hman dan a inang lo nasa  hle. Hei hi her dik a ngaiin ka hria a ni.

Engtia her dik nge i duh a?

Ha ha.. thlukna hi neih ka duh vak lo va, kan nei duh talh a nih chuan chuan a chung thai kual reih hi a dik leh inang tlang a hman ka duh a ni. Hmun a awm chuan thlukna tel lova kan khawsak theih dan tur rawtna neih ka duh bawk a.

 Thlukna chu nei duh ta talh ila engtia tih tur nge?

Thlukna kan nei talh duh a nih chuan thumal reng reng hian rik dan tlanglawn ber( standard tone) nei theuh ta se. Chu standard tone neih dan tur tha ber chu kan thumal (word) hi sample atan eng emaw zat thlang chhuakin hnam hrang hrang, vai, sap, midum, mieng te chhiratir ila, chutan an lam dan atng chuan khavel huapin a standard ber ri tlang lawn ber chu a hriat theih mai ang a. Chu lam dan chu ri tlanglawn berah pawm ta ila.

Entirnan: mar ( hrui mar), tar (putar), ban ( chhang ban), fal ( thang chi khat), pal (huan pal), ram ( in lo ram) ang chi hi ri lai niin standard tone lo ni ta se, chung chuan thlukna an neih a ngai lo ang. Hemi thumal ang chiah a thluk dang ho hian thlukna an neih a ngai dawn ta zawk tihna a nih chu.A chung lam thluk hian 'sal' lam ta ila chung chu thumal kan nei lo a, awmzia a awm lo. Chuvang tak chuan  hei hi hun lo kal turah thu mal tur hual lawk theih, phuah chawp theih kan nei thei ta tihna a ni. Sal (slave)  chu a ri a hniam  avangin a thlukna a ngai dawn ta tihna a nih chu. Helai tea ka sawi tum ber chu 'lam dan ri lai' thlukna mamawh lo thumal kan identify phawt a fel ka ring a ni. A bak ho zawng  thluk dan tur chu muang changa er chhuah leh chi a ni ang, thlukna neih kan duh talh dawn a nih chuan.

A nih Mizo tawng thlukna neih lo awm dan tur zia rang chu?

Khai le, hei hi ka sawi duh ber lai ' a bapui thuk phum' chu a ni ta! Sap tawngah chuan thumal lam dan thuhmun chiah chiah ziak dan sipel dang an nei a. Ri thuhmun ziak dan hrang tihna a nih chu. Entirnan, Two, To, Too te hi a ziak dan a hrang vek nain a lam dan a inang vek lawi a, ( i lo lam hrang deuh kher a nih pawhin ka dem lo che a, mahse inang chiah chiahin lam la tuman an dem thei lo che) Kan sawi tum tak chu mite pawhin lam dan thuhmun chiah chiah pawh ziak dan hrang an neih mai lai hian eng vangin nge keini hian lam dan hrang daih ziak dan thuhmuna kan ziah tlat reng lem ang le tih hi a ni. Heng thumal thuhmun, a lam rik dan avanga kan buaina zawng zawng hi a sipel inang lovin ziak ta ila, rei lo teah a thluk avanga "VAL" kan buaina hi chu a reh mai ta ve ang.

Entirnan: B-A-N tih hi chi tam takin a lam theih a, awmzia a hrang vek bawk a, ti hian in sawi chhin dawn teh ang. Ban, chhangban ang hi BAN tiin ziak ila, Ban tho taksa peng, kut sawina hi BAAN ti ta ila, Ban tho, lazar ban ang hi BHAN ti ta ila, Ban tho, va ban vak ang hi BANN ti thung ila, Ban tho, hna thawktu ban ang hi BHAAN ti leh ta ila, a fiah thei fu lawng maw? Sawi tawh angin a tirah fiah lo mahse rei rial lovin a fiah chhawm mai a rinawm tlat.

Tin thumal thenkhat, lam rik dan thuhmun, awmze hrang daih si a awm leh a, chungte pawh chu a sipel ti hrang ta ila, kan buaina a fel thuai thei ang. Entirnan, R-A-L. hi mitthi Ral sawina a nih chuan RAAL ni ta se, hmelma sawina a nih chuan RHAL emaw RHAAL  ni ta se, liam ta mai Ral (dissolve)sawina chu RAL a ni mai ang chu.

A that hmel fu mai a, mahse a harsa viau lawng maw?

A awlai hauh lo ang a, mahse hman lai ata tawh thlukna siam tumin chinchang hre deuh chin hi chu an buai an buai kum khua a, mahse a thawi damna an hmu thei si lo.Khawl thar lo chhuak zel nen sign leh symbol siam chhuah lamah typewriter siamtute, computer siamtute kan thunun pha lo nen, hawrrawp  awmsa atanga kan inherrem ve mai zel hi a kawng  ber niin a lang a, kawng dang hi chu han er chhuah vak tum lo mai ila a hahdam mai awm e ka ti deuh. Han chhut ve vang vang teh.

ZORAM TAN ! (Hnam lam)

                                          Tam dil, ka pianna Saitual khua ah

Engnge sawi i tum?

Ka sawi tum ber chu Mizo hnam lam ho ( cheraw, khuallam, sarlam kai, chai etc) hi a huhova lam chi vek niin a lang a, mahni emaw a kawppui nen  emawa lam theih chi LAM ( dance) hmuhnawm tak neih ve a chakawm ka ti.

Engnge a tangkaina tur?

Mizo te hi mi hnam ang thovin khawvel ram hrang hrangah kan tla darh tawh a.Mizoram aiawha vak chhuak khawvel ram tinah kan kat ta nawk reng mai bawk. Heng ho te hi zai thiam vek an nih bik loh avang te, lam lam hi a hmuhnawm hrim hrim avang te hian mahni emaw khingpui nen chauh emawa lam chi nei ila chuan a tangkai ngawt ang. Ram danga sikul kal fa nei te phei chuan fate han show ve tur eng emaw LAM hi an duh thei hle a, cheraw te, khual lam te mahni chauh va tih chi a ni lova, mahni tih theih hmel ber  'chheih lam' lah hi lo zai tur mi eng emaw zat a mamawh bawk si.


Cultural dance siam chawp chu a va ho awm ve?

Ni e, a ho zawnga ngaihtuah chuan a dik thei viau ang. Mahse bul tan thei awm ila chuan hun lo kal zel turah kan hlut ngawt thei ang. Vai ho te sapho ho te hi chuan mahni a lam hmuhnawm tak show tur an nei thei zel a, a awhawm ve a awm maw le.Chu lo rengah dik tak chuan kan cheraw te, kan khual lam te hi her rem leh siam that, belh leh paih a ni nasa tawh em em a, kan pawm tlang viau zel lo thei lo chu a nih hi!

Engtia bul tan chi nge ni ang?

A..hla phuah ang tho hi a ni  mai a. Phuahtu han awm phawt se a tih lar theih mai ang. A lar hnu chuan kan pawm tlang mai ta ve ang. Tin, tv -a Reality show item atan tha tak a ni bawk ka ring a.Mimal emaw a kawp emaw a lam inphuah chhuah siak tih ni ta se, hnam zia rang lang thei ni bawk ngei se; en pawh a hlawh viau mai thei a sin!

A hmuhnawm ngut dawn em ni le?

Nghal ngawt a, chu chu alawm Upa in "buan a hmaa kherh" an tih chu. Tak tak a, ni e, kan MIZO lam ho hi a ti delh delh a, hmuhnawm lam aiin ninawm lam a pawl awl khawp a. Hla phuah zawng zawng a lar mai lo ang leh, hla lar zawng zawng a tha kher lo ang hian LAM kan phuah dawn a  nih pawhin hmuhnawm thlan thiam chu a pawimawh ngawt ang..ka dem hauh lo che. Mahse han ti chhin phawt ni se..Entawn tur a tam tawh a, hmuhnawm tak chu kan Mizo thalaite hian an phuah chhuak thei khawp ang. I lo ngaichang ran ang u hmiang...

Tak Tak Ta Em ?

                                                  Kan Ngaih Mizoram

Mizo tam tak, hun rei tak chhung  Mizoram pawna awm tawh ten, Mizorama thil thleng chung chang "Chhungte zawh awm kan zawh si loh" zawhna kan neih ve chu heng te hi an ni.


1. John Cena kha Hmar a lo ni tak tak ta em?

2. Hman kum MLA inthlan ah khan Pi Hlimpuii bawm kha an chhar tak tak ta em?

3. Aizawl khawpui chhung chhuah lam atanga tlak lama lei verh siam kha an tum tak tak ta em?

4. MNF sorkar in Chakma dist nuaibo an tum kha an ti tak tak ta em?

5. Dholai thleng khu Mizoram a ni tak tak ta em?

6. Mizoram Synod khuang pui lian kha world record a ni tak tak ta em?

7.Pu Chana pawl hlau lo politician hi an awm tak tak ta em?

8. Zu hi an khap rem tak tak ta em?

9. Khawvel pumah Mizo aiin Lai ho hi an tam zawk tak tak ta em?

10.World Bank road an hawn hnu hian Tlungvel Hotel te chu an hawi hil tak tak ta em?

11. Mizo thalai cement mistiri training ho khan an thawk tak  tak ta em?

12. Lengpui khaw ho hian airport an awmna nih an nghahhlelh em em kha hlawkpuina an hmu tak tak ta em?

13. Lawngtlai Bank rawktute kha an man tak tak ta em?

14. Burma misual man apiang te kha Burma sipai kutah an hlan thin tak tak ta em?

15. MHIP khan sawn man kha Rs 10,000.00 ah an san tak tak ta em?

USA vrs MIZ. part IV

                            Mite chu an neihin a phur a,

                                      Keini chuan kan neih kan phur

Kan ti lak lawh tawh bawk a, kal zel mai ang aw!!!


1. USA ah chuan movie kal hi entertainment tling, nuam tak, mi tin tih a ni a; Miz.ah chuan cinema en chu awmpui te leh vai mistiri tih tawkah kan ngai tlangpui.

2. USA ah chuan 'lets go to farm' an ti a, a nuam a; Miz. ah chuan "Feh ang" tih a nia a nuam lo tlat.

3. USA ah chuan an khawi lo kalin an neihin a phur mai a; Miz. ah chuan khawi lo kalin kan neih phurh a ngai thung a, a hahthlak tlat..

4.  USA ah chuan film reng reng kum bi thliah ang zela en a ni tlangpui a; Miz. ah chuan eng film pawh tu pawhin kan en a, a sexy deuh laiah naupang kan maimit chhintir tlangpui.

5. USA ah chuan mi an manin kut an thlak ve mai lo va; Miz. chuan mi kan manin YMA kut thlak a na lo ber a; VDP in a dawt a, JAC kut thlak a na ber tlangpui.

6.USA ah chuan mite hi motor chuang reng thin an nih avangin ke ngat a hiking neih te hi nuam an ti a; Miz. chuan motor chuang khat tak kan ni na chungin ke ngata hiking neih kan chak ve tho tlangpui.

7. Engvang nge hriat ni suh, USA-a  an hriat lem loh 'ke awr chat' te hi Miz. ah chuan natna tlanglawn tak a la ni tlat.

8. USA ah chuan natna sawi zawh vek hnu leh investigation tam tak an tih hnu ah Doctor ten damlo damdawi an chawh a; Miz. ah chuan natna kan sawi zawh hma hmain Doctor ten kan damdawi tur an lo ziak zo tawh tlangpui.

9. USA ah chuan mihring hlutna a san avangin  a man chhiar ngaihna awm lo khawpa hlu an  ni a; Miz. ah erawh chuan hmeichhe man aiin vawkte man a to tlangpui.

10.USA-ah chuan bawnghnute hi a tak dan leh a dal dan hriat theih nan a bur chhin hi rawng hrang hrang an pe thin a, Miz. ah chuan 'tui pawlh', 'tui pawlh loh', 'tui pawlh loh tak tak', leh 'sawr thlak hlim' ti tein kan thliar hrang thung.

11.Miz. ah chuan Pathianni hi incheini ang deuh vah kan nei a, USA ah erawh chuan inneihni leh mitthi vui ni hi inchei ngei a ngaih ni a ni thung.

12.USA ah chuan sneaker neih nalhin mi mit a la miah tawh lo va; Miz. ah chuan sneaker nei nalh te chu an la luck phah tlat.

13.USA ah chuan lunch mahni inngaihtuah a ni deuh vek a; Miz. ah chuan mitiri te a ruaituten lunch an ngaihtuahsak ziah tlangpui.

14.USA ah chuan inkhawm, nitin hna te a hun takah tanin ban hunah ban a ni vek a; Miz ah chuan Inkhawm a hun takah kan tan a, nitin hna ban  a hun hma in kan bang a, inkhawm kan bang tlai a, hna lamah kan tan tlai ziah tlangpui bawk.

15. USA ah chuan 'ka buai lutuk' tih hi mite tawngkam tam ber pakhat a ni a; Miz. ah chuan, eng nge i thawh dawn? ti ila "Engmah" kan ti tlangpui.

16.USA hi mahni ram hmangaih leh mahni flag ngaina ber pawl an ni a; Miz. hi flag nei ve si-ah chuan mahni flag hre lo pawl ber kan nih hial mai thei.

17.Miz. ah chuan damlo in doctor te kan hlau a;  USA ah chuan doctorin damlo an hlau thung.

18. Miz. ah chuan thlai chiah ei hi 'ei chhia' ang deuhvin kan ngai a, USA ah chuan thlai chiah ei hi 'ei tha' an ti thung.

19.Miz. ah chuan Favang awl len kan nei thin a, USA-ah chuan Vacation an nei thung.

20.Miz. ah chhungkua a chaw ei rual thei lo an vang angin, USA ah chuan chhungkua a chaw ei rual thei an vang.

21. USA ah chuan motor an insut palhin tuman engmah sawi lo mahse tu pawhin tunge thiam a thiam lo zawk kan hre nghal thei tlangpui a, Miz. ah erawh chuan motor insu ten theih tawpin insawi ve ve mahse tunge thiam a tunge thiam lo zawk kan hre thei mai lo tlangpui.

22.Miz.-ah chuan lengkhawm kan awmin pakhatin hla chang a sawi a, USA ah chuan a then zai laia hla lo chham te hi chu 'rap' an ti thung.

23. USA sawrkar thar campaign au hla ber chu change a ni a, an sorkar hnua change langsar ber chu Midumin White house an luah hi a ni mai a. Mizoram sorkar thar campaign au hla ber pawh change tho a ni a, change langsar ber ta erawh chu Krismas laia khawpui chhunga motor tlan khap hi ni berin a lang.

24.USA ah chuan tho hi a vang khawp mai a, Miz. ah chuan tho chi hrang Tho 'A' Tho 'B' leh Tho 'C' te an tam mai!

25.USA ah chuan feet hnih  feet thum ten thlasikah vur a tla thei a, thenfai ninawm khawpa tam a ni thin. Miz. ah chuan vur kan neih chhun chu inchan mang lo leh kham mang lovin kan ei zo zel!

USA vrs MIZ. part III

Pa fuihpawrh nuam tih takah, min fuih nasa bawk a, ka pawrh zel mai a nih hi. Hei a dang ka rawn ti leh e.


1. Miz. ah chuan Vanapa Hall kan nei a, kan chhuang hle a, USA ah chuan hetiang aia hall lian hi High School zawng zawngin an nei tlangpui.

2. USA mi, Miz. -a lo kal te chuan an ram an chhuang a, an mahni chu nep an inti a, Miz. atanga USA kal te chuan kan ram nep kan ti a, mahni kan inngai ropui a, eng emaw ni ve tlata inhriatna kan nei tlangpui.

3.USA mite chuan thla an lakin an mahni lan an ngai pawimawh lo va,  tlangpui a, Miz. mite chuan thla kan lakin mahni lan ngei kan ngai pawimawh tlangpui.

4. USA chuan 'American Dream' an nei a, Miz. chuan "Mizoram Mumang (hisap)" kan nei ve lem lo.

5.USA ah chuan kawngpui zawng zawngah speed limit a intar vek a, Miz ah chuan speed limit tarna hmuh tur a awm miah lo thung.

6.USA ah chuan traffic light a tam avangin hun a hek em em a, Miz. ah chuan traffic light a la awm loh avangin chutiang buaina chu kan nei lo thung

7.USA ah chuan celebrity ten mipui lamah an thawmhnaw an vawm thlak chuan an inchuh nasa thin a, Miz. ah chuan  kan celebrity ten an scarf an vawm thlak pawhin mipui lamin an vawm leh leh zel thung.

8.USA misualte hi Mexico ah an tlanchhe tlangpui a, Miz. misual te chu Burma ramah an tlanchhe tlangpui.

9.USA ah chuan miin kum 18 a lo tlin chuan Pathian leh amah rin chhanin mahni kea din a tum a, nu leh pa a chhuahsan tlangpui a, Miz. ah chuan nupui fanau nei duah pawh nu leh pa leh nupuite chiah rinchhan; in dang ngam lo kan awm teuh thung.

10.USA ah chuan naute te hi thla ruk vel atangin music class, Gym class, etc ah te an kaltir nghal a, Miz. ah chuan.........sawi lo zawk mai teh ang.

11. USA ah chuan restaurant chang  lovah pawh  tip inpek an ching khawp a, Miz. ah chuan restaurant ah chuan tip pek nachang hria an awm nual a, a dang zawngah chuan tip pek a hnekin kan 'innep' tlangpui.

12. USA ah chuan in hmun dil a awm ve ngai lo va, lei tawp a ni vek a; Miz. ah chuan in hmun ruak dil a la tlanglawn viau naa, hlawhtlin erawh a har thung, kan 'inkawhhmuh' a ni lek tlangpui.

13. Miz.-a lusunte chuan khawhar hnemah in leng neih reng kan duh a, USA mi lusun te chuan khawhar hnemah mahni chauhva awm an thlang tlangpui.

 14.Miz.-a  nu leh pa chuan kan fa naupangte te tawng fiah lova biak kan ching hle a, USA nu leh pa te chuan an fa naupang te te te puitling biakin an be tlangpui.

15.USA ah chuan ba huai rul tha an tam a, Miz. chuan ba huai rul tha lo kan tam tlangpui.

16.USA mite chuan khawvelah engkimah a tha ber niin an inhria a, Miz. mite chuan India ramah pawh kilkhawr ber, pachhe ber niin kan inhre tlangpui.

17. Miz. ah chuan Mizo tlawmngaihna chang chawiin thenawm khawvengte harsa leh chhum chhia te kan tanpui thin a, USA chuan eng tlawmngaihna mah ruai chuang lovin khawvel ram tina chhiat tawk leh vanduai te nasa takin an tanpui reng thung.

18.USA ah chuan asbestos an khap a, zu an phalrai a; Miz. chuan asbestos (tile bang kan tih mai hi) kan  phalrai a, zu kan khap thung.

19.USA ah chuan dawt sawi lovin dollar an  nei a, Miz. ah chuan dollar nei hlei lovin an daw lar lar thung!

20. USA ah chuan sa thau hi a hlauhvin an hlau a, Miz chuan a thau lai chan loh mawlh kan hlau thung.

21. Miz. ah chuan mo thar tha kan chhawr thin a, USA ah chuan mo thar tha chhawr a awm lova, mak pa tha chhawr a awm teuh mah zawk.

22. USA ah chuan over bridge te a nihna tur angin an hmang a, Miz. ah chuan sual rawngbawl nan leh inkhel a free a en nan an hmang ber.

23. Miz. ah chuan inneihni hian mipa lam an bungbawr zawk fe a, USA ah chuan a hmeichhe lam an bungbawr zawk fe tlangpui.

24. USA ah chuan ram hruaituten dawt an sawiin mipuiin an dem a, an future a khawih pawi thin; Miz. ah chuan dawt pawh sawi se kan  haw chuang lo tlangpui.

25.USA ah chuan kar pum rim takin hna an thawk a, weekend-ah an awm hahdam thin a, Miz ah chuan kar pumin hahdam takin hna kan thawk a, weekend-ah ( inkhawm reng rengin) kan hah zawk mah!

NUN HLUI, HLUI LUTUK LO.

                                      Upa Tlanghmingthanga tute

Rei lo te emaw kan tih chhungin kan lo danglam hman ta hle mai. A chunga pics hi kan fate ho an ni a, kum 10 chuang kal ta chauh kha a la ni, mahse an danglam vek tawh a.Ka tan a hmuhnawm em avangin ka rawn dah mai mai..Ka ngai hle a ni..The Khiangte Family, Mission Veng Aizawl,India a ni e.

Thanksgiving West Coast lamah ve thung - Lalchungnunga

Thanksgiving Day hi Zoram lamah hman ve thrin ni lo mahse, USA a han awm chuan rei lo teah tih thranah, a tur rengah kan lo neih ve ta reng mai. Kumin Thansgiving Weekend chu Los Angeles area a awm Zo hnahthlak te'n Potluck nena kan inah hman zai kan rel ve thung a. Zo hnahthlak han tih hian, India ram atranga Mizo  te leh Burma ram atranga kan Zo hnahthlak puite, "Chin" tiin an inchhal bawk,  kan ni  ber a.  Tin, Caucasian, Black leh Chinese te pawh an rawn tel ve bawk. Kan vai hian 40 dawn thuak chu kan ni awm e. Lo kal tura kan beisei mahse  programme dang rokhawlhna avanga rawn tel thei ta lo chhungkaw  5 vel an awm bawk.

Thanksgiving Day hi Turkey sa nena hman hi Tradition a neih ani a. Kei ni version ve ah hi chuan Turkey sa chu a tel ve hauh lo thung.  Arsa, Bawngsa  leh Sangha; siam dan chi hrang hranga siam te nen ruai kan threh ve hleuh thung.  Inhmelhriat tawnna te kan han neih hnuah ruai tui tak kan kil ho.

Zofate hi zai hi kan lo ngaina tlangpuiin ka hria. A hma atrangin theih ang angin zai lam hun kan hman theihna turin ka lo inbuatsaih lawk ve bawk a. Drum set, Electric Guitar leh Amps, Electric Bass Guitar leh Amps, Acoustic Guitar, Piano leh Karaoke Machine lam te pawh ka lo lei fel thlap a. Hman mai theih turin ka lo rem fel vek bawk a. Tun, kan Thanksgiving weekend hmanah hian theme song atan Zorock thla " Zoram ngaih hla" kha thlan  fel alo ni tawh bawk a. 

Chaw ei khamah chuan; Bethlehem lam rilru a hawiin,  Masi hla lamin hma a hruai a. Zofate zinga hla phuah thiam hming thang Pu Rokunga hla te chuan hma an hruai a. "Thimin Lei a tuam laiin" ;  " A mi'an riang maw " ti chuan kan han zai ta dep dep mai le. Pu P.D Sena hla " Chanchin lawmawm" tih hla te leh Pu Tlanglawma hla phuah " A lalna ram chu rawn pelin" tih te kan han sak chuan. Zoram lam Masi pawh kan ngai bil dawn emaw ni le tih hial tur ani  ta.............
Awm zel tur

USA vrs MIZ part -II

USA vrs MIZ. ka chhuah hmasak kha kan thiannu pakhatin a lo chhiar fuh a," Tih belh zel rawh" a rawn tih avangin kan han chhunzawm leh mai mai a ni e. Mimal ngaihdan, 'chawngkhum dan tlang huat loh' tih ang chi kha a ni tih hriat reng a tha ang. A tul tak leh kan la tih belh zel ang chu.

1. USA ah chuan company ah te a lal lal an thawk nasain an hah a, a lal lo zawkte an enkawl tak tak a. Miz ah chuan a lal lal an awm awl a, a lal lo lam an rim nasa.

2. USA ah chuan tualthat an man chu na tak a hrem ngei ngei a ni a, Miz ah chuan tual that te hi hrem mu mal lohvin an leng mai mai.

3.USA ah chuan thil ti sualtu chu  an zawng zawng a, an hmuh hunah an man thin a, Miz ah chuan kawh hmuh ngawng ngawng pawhin an man hlei thei lo thin.

4. USA ah chuan thil tisualtu tak kha  an hrem chuan a tang thin a, Miz ah chuan a mah tang lovin 'ai tang' te an la thei thung.

5. Miz ah chuan mahni chauhva car - a chuang thei te kan ngaisang thin a, USA ah chuan mahni chauhva chuang aiin mi dang nena chuangte an ngaihsan avangin an tlanna tur kawng bik te an siamsak thung.

6. USA ah chuan dawrkai ten kum tling lo hnenah sikret hralh an ngam lova, Miz ah chuan kum tling lovin sikret lei mai ni lovin, bat pawh an ba thei hial!

7. USA ah pehteh a vang a, Miz ah a tam thung.

8. USA ah chuan 'Norway St." khawpui hrang hrangah a awm a, Miz. ah chuan Aizawl veng pakhatah "nawr way" a awm thung.

9. USA ah chuan fire dept. in mamawh a an lak mai tur tui herhchhuahna 'hydrant' kawt thler tinah a khat tawkin a awm vek a, Miz ah chuan kang mei a chhuahin fire dept in tui an chawi chawp chuk chuk a ngai thung.

10. USA ah chuan tennis hi sport man tlawm ber pawl a ni a, Miz ah chuan mi lian te sport man to a ni thung.

11.USA ah chuan ran te thleng hian health insuarance an neih laiin Miz ah chuan health insuarance nei sawi tur a vang hle.

12. USA ah chuan anmahni American English accent hi an zahpui loh laiin, Miz ah chuan kan Mizo English accent kan zahpui tlat!

13.USA ah chuan a kheltu bik ten politics an sawi a, Miz ah chuan Pastor ten politics and sawi a, politician ten Pathian thu an sawi thung!

14.Miz. ah chuan bawng, ar te kel te hi in leh a chheh velah te kan hmu fo va,  sakhi, sazuk te chu sahuanah deuh chauh kan hmu thung. USA ah chuan bawng ar leh kel te chu sahuanah kan hmu a; sazuk sakhi te chu in leh a chheh vel lawk lawkah kan hmu thung.

15.USA ah chuan pisa hawn hun hma fe, a tlangpui thuin darkar khata hmaah thawktute an thleng a, dawrtute lo luh hun hmain in chhung lamah an lo inbuatsaih fel lawk vek a, a hun dik takah pisa te an hawng thin. Miz ah chuan pisa hawn hun hnu darkat khatah  thawktute an thleng tlangpui.

16. USA ah chuan kar khata darkar 40 thawk hi full time thawk an ti a, Miz chuan full time thawk zawng zawngin kar khatah darkar 40 an thawk tling lo tlangpui.

17.Miz chuan motor lian khalhtute hian handyman an nei ziah a, USA ah chuan Miz motor lian leta lian khaltute pawhin handyman an nei ngai lo.

18.USA ah chuan fast food dawrah te hian mi dum ho hi mingo ho aia che muang an ni tlangpui a, Miz. fast food dawrah chuan a dum dum (vai) ho hi che rang leh che zei an ni tlangpui.

19.USA ah chuan khawvar hma te hian hnaa kal tur hi motor kawngpuiah a khat luih luih tawh thin a, Miz chuan khawvar hma chuan motor tlan a awm mang ngai lo tlangpui.

20.USA ah chuan bang leh electric ban vela chinai tah a vang a, Miz. chuan a tam sawt khawp mai!

21. USA ah chuan pisa ho hi thil ei turin dawrah an kal a, Miz. ah chuan dawr ho an lo kal a, thuthmunah an ei thung.

22.USA ah chuan savun lukhum parh hi atu te pawhin an duh chuan an  khum mai a, Miz ah chuan officer lian tan, motor kawl pha chinin an khum tlangpui.

23. USA ah chuan natna khirh deuh vei te hi an ramah ngei enkawl an duh a, Miz. chuan tlema khirh deuh te hi chu state dangah kan thawn tlangpui.

24.USA ah chuan motorcycle nei pha chin hi chu khawsa thei mahni neih chuang liama lei, an mamawh vang ni lo, an hobby a nih vang a lei; car pawh tha tawk nei an ni tlangpui a, Miz ah chuan motorcycle nei ho hi neih thinglung khawnga lei, thil dang engmah nei chuang lem lo an ni tlangpui.

25.USA mi, Miz. lo kal thil inti hre deuh te  hi an survive tlangpui a, Miz. mi USA lo kal thil rawn intihre deuh te hi an survive lo tlangpui.

THANKSGIVING DAY 2010

Thank you dear God for letting us live till today!

As the name implies, thanksgiving day is a day to give thanks to the Lord for bountiful harvest. It is a day of saying thanks for all the blessing we received. It is observed throughout the country and it is a DAY TO EAT TURKEY.

This year we celebrated Thanksgiving day with some friends with lots of good food and fun. We planned the day for eating and shooting. We had a fun time having a target shooting. All of us took part and took our turn in trying out our skill in shooting. It was fun, the day was short when you have a good time.

Of course we had a short time sitting together and sharing how thankful we were to the father for blessing us all so much. It was so emotional to hear young boys and girls shared how much they appreciate the blessing they got between this year and last years thanksgiving day. After a little sermon by Mrs. Sailo we ended the fellowship with a group prayer. The hostess announced the plan and the strategy along with invitation for next years thanksgiving. What a long notice for the preparation.

Men, women, boys and girls, everybody took turn in shooting. Many shot the gun, but few hit the target, especially the Bull's eye.

          Sure, girls had exciting time in roasting marshmallows...

 Turkey, mashed potato, rice, dal, beans, bawng irno leh antam chhum, hmarcha leh baibing um pawlh etc were in abundant.

Hunting in the nearby forest added extra fun for some pasalthas. We gotta be careful in speaking English while hunting; as deer, stag etc.. here speak English pretty fluently..In order not to scare the animals away we got to shhhh.. all the time, however I said to my son, "If you really really need to talk to me use lehtawng only, like 'ap ka awh ra'.." And he nodded.

               Girls love to entertain themselves in playing board games.

A camp-fire outside was additional attraction for young children. They played with fire but they were careful, luckily nobody got hurt lol..

After the sun set and getting dark, boys and girls left for inside and adults came out to sit around the fire. Talking about different subjects from Mizo welfare to, nupui pasal zawn, from potitics to policing. In fact we covered pretty much everything, everyone seemed to talked his heart out;  until the fire got dimmed and could no longer saw each other's face...oh what a titi time we had, what a great night it had been. Nobody knows will we ever have an unpolluted time like that again!

FUN @ IMAX Theater

Some two weeks ago, while driving a car I heard a radio talking about IMAX movie coming near our town. Everyone talking about Imax were excited and all said when it really came, they would definitely go see movie in IMAX theater. In Maryland side of Washington Metropolitan area, Silver Spring's Regal Majestic cinema is the only one which has an Imax theater. From that day, I too wanted to feel what they called 'Ultimate movie experience' really like for the first time.

                                         The Majestic, Downtown Silver Spring

On Nov 24 2010, at 6.30 pm, a night before thanksgiving; along with me were my two daughters, we went to see an Imax movie called Harry Potter and The Deadly Hallows.  The Majestic, a movie theater in Silver Spring is a megaplex which has 20 movie theaters, and offers state-of-the-art and innovative stadium seating, digitial surround, wall-to-wall screens and gourmet concessions.  This luxury theatres offer many amenities and first class services. 


We got there on time, alright;  I'd never wanted to be late for a movie. As there was no assigned seat for movie goers, we can sit wherever we want. I always want to sit in the best place where I feel really comfortable, toward the back if possible. As usual we bought some pop corns with butter topping, and soda. Took off my jacket and waited relaxingly for the movie to start. There's nothing to worry about as tomorrow is thanksgiving holiday. We can sleep in as long as we want.

Imax  is a motion picture film format and projection standard created by a Canadian. It has a capacity to record and display images far greater size and resolution than regular films. Therefore the pictures were so clear and real, and  are laser aligned digital sound. So crisp and so loud too.

After 2 hours the movie ended. My daughter Dini liked it for sure. As for me I don't know if I liked the movie or not, but I am glad that the $ 18 I spent for each ticket worth the fun and experience we just had. Besides, when my kids are happy nothing else matter really!

USA vrs MIZ.

Thil inrual tlang leh intiat takte ka khaikhin thin a, mahse tun tum chu an intiat vang ni lovin, an intluk tlan em vang pawh ni chuang hek lovin Mizoram leh USA han khaikhin zuai dawn a ni.

1. Miz. ah chuan 'lakluh milin khawsak i zir ang' tiin inrenchem kan sawi uar a, USA-ah chuan khawsakna mila sum lakluh a ngai mauh mai. Retheih avangin thil engmah a tlawm chuang lo va, kan harsat avangin kan standard a tih hniam ngawt theih bik loh. Chuvang chuan midang pha turin lakluh tam a ngai a, hlawh bi a tlem chuan thawh nasat  zual a ngai a ni mai.

2. USA-ah chuan a rethei leh chenbeh deuh ho khawpui lun lai leh veng hulumah an awm a, Miz. ah chuan a hausa sa a lun laiah an awm thung a, kawngpui an ngei mai kan thlang thin! USA ah chuan mi hausa leh khawsa thei ho chu fianrial tak takah an awm a, ngaw hnuaiah te an awm a. Miz. ah chuan rethei deuh ho veng tlabirhah kan awm thung. Kawng sira motor a inhung dul kan hmuh chuan Miz. ah chuan mi hausa venga ni a, USA ah chuan mirethei veng a ni daih thung.

3. Miz.ah  chuan kan hunbi chhiarna hi thlabi a nih vang a ni ang calendar hmuh tur hi a tam em em a, date hi kan hre reng thei thung lo va, officer lian pawh calender en zet lova vawiin ni hre thei mai lo an awm nual, thil reng reng a chet muan phah. Thingthlangah ngat phei chuan thla bi pawh ni lo; kumbi in hun kan chhiar a, kan thawh hlawh (lo neih) pawh kum khatah vawi khat, kum tawpah kan seng chauh va. Engkim hi a slow lo thei lo a ni. USA ah chuan thla bi ni lo, kar bi ni lo, ni bi pawh  ni lo, darkar bi a hna an thawh avangin dar kar biin hun an bih a; calendar te chu a lian lutuk a, ni bi pawh a lian lutuk a, darkar bi te khan hun an hre chat chat thei. Mak ka tih em em chu hming sign tir tur hian mi inah ka kal kual nasa a, tar te te pawh vawiin mi eng ni nge tia min zawt an awm ngai mang lo. An hre chat chat mai a ni.

4. USA ah chuan mipui nunphung ti khaihlak zawnga mi tute lungawi lovin emaw a bandh te, strike te, highway/road block an siam te hi hriat tur a vang khawp. Miz. ah erawh chuan mahni harsatna tarlang tura mipui tibuai thui thei thei hmai uang thuang an ni mai niin a lang.

5. Miz. ah chuan miin zu te drugs te a ruih chuan ama tan chang lo midang tan a pawi a, USA ah chuan mi an rui duh anih phawt chuan an indip lo. A ruih thiam loh viau chuan ama tan mai a pawi a, a man a tuar anga a ni mai.

6. Miz.ah chua miin thiam vak lova sap tawng a a tawng chuan kan nuih ru a, USA ah chuan sap tawng thiam loh avangin mi nuih a za ve lo.

7. Miz. ah chuan changkang nia inhria ten sa an ei tam a, USA ah chuan inti changkang ho chuan sa an pumpelh  a, thlai lam an uar thung.

8. USA ah chuan rethei an thau va, state rethei ber pawh Mississippi a ni a, thau uchuak an tam ber bawk. Miz. ah chuan rethei an thau mawh khawp mai. Thau tamna ber pawh, dist. hausa ber ni bawk Aizawl dist. a ni ngei ang.

9. Veng thar a pian dawnin kawng te, tui, electric, phone, tv., line engkim sign board thlengin an siam vek hnuah in an sa chauh va, Miz. ah chuan kawng awm hma hmain in kan sa a, in sak hnu ah kawng kan lai tan a; a hnu kum tam takah a dang chu a lo kal chauh!A then chu tun thlengin an la dah lo.

10. USA ah chuan thil engkim hi intlara tihfel vek a ni a, kal hmasa hi tuman an khalh ngai lo. Mi huaisar leh mawl deuh midang va hma khalh tum an awm chang pawhin kan va dawr tura te khan a kal hmasa kha an ko hmasa tho tho. Miz. ah chuan intlar thap hnu pawhin inzeh ruk, inhmakhalh ruk kan tum reng thova. Huaisar leh chuhhelh deuh an la hamtha zawk thei zel mai.

11. USA ah chuan Krismas te hi a ni tak thlen hma, ur lawk zan hian Kohhran prog zawng zawng chu an zo der a. Miz ah erawh chuan a i ni tak pelh hnuah a lawmna ruai te kan theh chauh!

13. USA ah chuan in sak zawh loh leh pamtul ka la hmu lova, sak zawh hmaa luah luh rawk ang chi ka hmu hek lo, Miz ah chuan zo thlep thlawpa inthar luah luh a awm mang lo, chhunzawm pah tura inluah luh a ni deuh vek mai. Kus Vala tawngkam takin, "Bang hmai lam kan zawh hi chuan char bang a lo tla bal leh hman tawh a," a tih  hi a dik thui hle.

14. USA ah chuan sorkarna changtu President te hi an inthlanna an tlin atanga rei lo teah an sam a tuak a, an cher a, an tar hmel zung zung mai. Miz. ah thung chuan sorkarna changtu te chu an thau sawt sawt a, an mum kang nghal zel!

15. USA ah chuan motor khalhtuten kea kal te kawng an kian a, Miz ah chuan kea kal ten motor lo kal kawng an kian thung.

16.USA ah chuan zirtirtuten naupang an hlau a, Miz ah chuan naupangin zirtirtute an hlau thung.

17. USA ah chuan hunin mihring a vawng a, Miz chuan mihringin hun an vawng thung.


Heng bak pawh hi a la tam thei ang mahse a thui thei dawn si a, duh tawk phawt mai ang u.

ACUPUNCTURE>>>>

                                     Dr. Nianzu Li and his wife Peggy Li

I have been having this problem " A tennis elbow" for quite sometime now. I remember I started to have  this painful stuff back when we had Chin Tennis tournament in Frederick on Sep 2010. Two days before the tournament I was so frustrated with my serve. I totally forgotten how to serve, no matter what I did, I could not make it in. Then there I was, desperately trying to re-discover myself to have a sure way of serving,  then I got this. What I did was; I would toss the ball low and hit it down right above the net without swaying my full body like I always did. It looked good to me and I then could serve well ever since. So, just like Nadal did in Wimbledon 2010, I used my new serving in that tournament hoping to surprise everybody. But guess what, it didn't work out well, I lost at the first round! And my  elbow was burning, so painful that I had to take a pain killer.

Since then, until today my elbow pain is still causing me problems. When I closed my elbow long, I could hardly open it back and feel so tight that its almost unbearable. When I straightened out for too long its hard to fold  it back again. I have stopped playing tennis since that day; and I will hang my rackets until I am  completely healed. Some people have tennis elbow period, while I have what many people never heard of. It  funny to say that I have tennis elbow, tennis knees, and tennis ankles! It seems I have tennis of  pretty much everything!

I have talked to as many people as possible to advise me as to what I needed to do with my pain. Many people couldn't give me concrete suggestions. Even when they give one it always tend to contradict with others. Some recommend to continue to play while others suggested a complete rest. They really confused me!

One day I met a nice doctor whose name was Gary.  I told him everything about my pain; and he in turn directed me to go to a Chinese doctor named Nianzu Li. Dr.Gary also added that he was the only doctor he really trusted. That was how I came to know this Chinese doctor who said 'Combining western and eastern medical knowledge is like a tiger having  wings to fly'. Ideal combo huh!

So I went to the Dr.Li and he performed well trusted acupuncture on me. He had me lay down in a heated bed with soothing music all around. He cleaned the area with alcohol where the pain was. And he started to insert different sizes of needles in where the thought the pain was fervently felt. Some of them were not felt much, while some needles were so painful. He told me that he was happy when I feel more pain for those were the critical spot where relief were needed.

The art of acupuncture rests on the understanding of the human beings as a complex organization of energy that forms and sustains our physical, mental,and emotional bodies. The ancient Chinese made a link between specific hypersensitive points on the skin and specific illnesses or organs dysfunctions. When these points were stimulated, they discover that the illness or problem corresponding to the hypersensitive pattern would be relieved.

While laying down on the bed, my mind zoomed back to Peter's Street, Mission Veng; Aizawl. For there was a man named Pa Tana who had done this kind of profession before in Mizoram( was he lisensed, I doubt). He was a funny guy, loved by all the local people. But I am wondering if he had done that job as a joke or as a bootleg!  I never knew to whom did he performed the treatment nor were they got healed! However one thing was certain, it must have been very painful to have had pricked by those fat needles Pa Tana would have had been using!

Am I healed? I don't know for sure. I thought I felt better a little bit as soon as I left my doctor. Was it only a relief of pulling out the needles? Or was it a relief of having to pay the  fee less than I was worried about? Or was I  about to feel better anyway due to passes of time? I won't know really. But this thing I know for sure, getting older brought about more knowledge and experiences to me along with more pains and sufferings- thats the deal whether I liked it or not!

                                          My right arm with lots of needles

Mizoram ID..

Mizoramah chuan Zawlaidi a lar hle mai a, a ruih theih an ti a, an lawm phian a ni. Mi tam takin an dem a, a thenin an chawimawi a, hralh pawh a tla ngiang ni tur a ni.

He Zawlaidi hi grape an thar ve rah tanga siam a ni a, chu grape chu thur tak, a lawnga ei hleih theih loh khawpa thur tui lo a ni  an ti a. Chuti taka tui lo chu engvanga ching reng reng nge maw an nih le ka ti thin! A tui chi chin mai awm, tih chu ngaihdan tlanglawn tak a ni.

Kut hnathawktute thawh rah sum chang tura buatsaihsak chu a pawimawh ngei mai a, mahse zu khap mek laia zu tho chi dang phalrai si hi awmzia chu a awm lo khawp mai. A hming chu eng pawh vuah se Zawlaidi a ni emaw, Tuitai, Daifim, Zotuithiang a ni emaw a eng a pawh chu a hming ni rawh se, zu a nihna chu alcohol content a tam leh tam lohah a innghat tho tho a, beer hi zu a nih chhung chuan Zawlaidi hi chu zu a ni chiang sa a ni. Kan thar chhuah anih avanga phalrai ngawt tur a nih chuan keimah ni thlawr ngei zupui, tinzu leh zufang pawh phalrai chi tho a ni dawn lawm ni?

Ram changkangah chuan ID(identification) hi an ngai pawimawh khawp a, tu nge kan nih chiah hriat nan khawi khawiah emaw phawrh a, thuneitute entir an ngai thin. Zawlaidi hi  kan aiZOL ID, Aizawl entirna a ni  mai dawnin a lang a, hei lo deuh hi ID atan hman a a tha ngawt mai....

KAN DUH A INANG EM??

 He video hi eng emaw lai atang khan ka en leh thin a, mipa leh hmeichhe lam ho an zei ka tia..leh  a changtupa hi ka duh ve reng reng a...lo chik ve teh..kan duh hi a hlui ang reng a sin!


source: http://www.youtube.com/watch?v=5aRDJzJutek

Kan Zalen Ta!!!

1. w A380 engines
   Play Video
2. Couple survives yacht drama
   
   Play Video
3. Police chase tragedy
   
   Play Video
4. Detainee found dead
   
   Play Video
5. 7News bulletin for Tuesday November 16
   
   Play Video
6. World news break
   
   Play Video
7. Victorian fire warning
   
   Play Video
8. Manslaughter charges dropped
   
   Play Video
9. New A380 engines
   
   Play Video
10. Couple survives yacht drama
    
    Play Video
11. Police chase tragedy
    
    Play Video
12. Detainee found dead
    
    Play Video
13. 7News bulletin for Tuesday November 16
    
    Play Video
14. World news break
    
    Play Video
15. Victorian fire warning
    
    Play Video
16. Manslaughter charges dropped
    
    PlayAung San Suu Kyi: a brief timeline
    

    ABC News Online's Nic MacBean, ABC November 16, 2010, 9:29 am

    • 
      
    • Send
      • Email
      • IM
    • Share
      • Delicious
      • Twitter
      • Myspace
      • Digg
      • Stumble Upon
      • Facebook
    • PriDemocracy campaigner Aung San Suu Kyi has spent 11 of the past 19 years in some form of detention under Burma's military junta.